到達函館！今次雙颱風直撲北海道，抵埗後已經風雨交加。今次函館之旅，算係圓咗我兩個夢：一個參與戶外演唱會的經歷、同一個落住雨，俾雨打到全身濕晒咁樣去支持自己喜愛嘅樂隊演出嘅機會，始終覺得户外搖滾演唱會一定要有少少濕身先正！
二十年了，聽住佢哋啱啱出嘅Pure Soul Anthology二十週年紀念版一首首熟悉嘅音樂先知道自己支持了呢隊日本樂隊GLAY已經有咁耐。回想1998年，我當時讀中二，觀瑪仔，讀男校除了籃球之外，自己都開始接觸音樂，過往從來唔聽歌嘅我嘗試去問唔同朋友借CD、MD...當時有位死黨叫$5，佢叫我試試聽J Rock，帶我去當時旺角新世紀廣場嘅新星堂。逐隻碟去揀，逐隻去試聽，Luna Sea、X Japan等等，真係大開眼界！當時日本仲好流行3.5吋嘅CD，俗稱「細碟」，見到一個好搶眼好型嘅細碟封面，係GLAY1998年嘅大作「誘惑」，唔聽猶自可，一聽真係覺得「不得了！」完全諗唔到形容詞去形容我當時對呢首歌嘅震撼，即刻用我當時僅有嘅零用錢去買，返屋企擺落Discman繼續慢慢聽。一個月之後我用零用錢買埋佢當時出嘅大碟「Pure S...
See More
Search